ក្រុមហ៊ុន HLH Development Pte Ltd ចុះហត្ថលេខា​លើ​កិច្ចព្រមព្រៀង​រួមគ្នា​ជាមួយ​ក្រុមហ៊ុន Royal Group of Companies Limited

នៅ​សណ្ឋាគារ Cambodiana នា​ថ្ងៃ ព្រហស្បតិ៍ ទី 01 ខែ វិច្ឆិកា ឆ្នាំ 2018កន្លងទៅនេះ ក្រុមហ៊ុន HLH Development Pte Ltd ដែលជា​ក្រុមហ៊ុន​បុត្រ​សម្ព័ន្ធ​ពេញលេញ​របស់​ក្រុមហ៊ុន Hong Lai Huat Group Limited បាន​ចុះ​កិច្ចព្រមព្រៀង​រួមគ្នា​ជាមួយ​ក្រុមហ៊ុន Royal Group of Companies Limited លើ​គម្រោង​អភិវឌ្ឍន៍​ចម្រុះ​ទី2 របស់ខ្លួន​ក្នុង​រាជធានី​ភ្នំពេញ។

គម្រោង​អភិវឌ្ឍន៍​ចម្រុះ​ទី 2 របស់ HLH Development Pte Ltd មាន​ផ្ទៃដី​ចំនួន 8,221ម៉ែត្រការ៉េ ស្ថិត​ចំ​កណ្តាល​បេះដូង​នៃ​ខណ្ឌ ទួល គោក ដែលជា​ទីតាំង ប្រកបដោយ​សក្តានុពល​មួយ​របស់​ទីក្រុង​ភ្នំពេញ។ ខណ្ឌទួលគោក ជា​តំបន់​ដ៏​ពិសេស​សម្រាប់​អភិវឌ្ឍន៍​លំនៅដ្ឋាន និង​អគារ​ពាណិជ្ជកម្មធំៗ ជាច្រើន ហើយ​អ្វីដែល​ពិសេស​គឺ​ទីតាំង​គម្រោង​អភិវឌ្ឍន៍​ចម្រុះ​ទី 2 របស់ HLH Development Pte Ltd នៅ​ជិត​នឹង​សាកលវិទ្យាល័យ​ធំ​បំផុត​របស់​ប្រទេស​កម្ពុជា គឺ​សាកលវិទ្យាល័យ​ភូមិន្ទ ភ្នំពេញ។

គួរ​បញ្ចាក់​ថា​គម្រោង​អភិវឌ្ឍន៍​ចម្រុះ​ថ្មី​ទី 2 របស់ HLH Development Pte Ltd មាន​ផ្ទៃក្រឡា​ប្រហែលជា 80,000ម៉ែត្រការ៉េ ដែល​ក្រុមហ៊ុន​នឹង​ចាប់ផ្តើម​ចូលទៅ​កាន់​ទីផ្សារ​ក្នុង​រយៈពេល 3ខែ​ខាងមុខនេះ ជាពិសេស​ក្រុមហ៊ុន​នឹង​រៀបចំ​ធ្វើ​សេចក្តី ប្រកាសជូន​ដំណឹង​ដល់​ម្ចាស់​ហ៊ុន​របស់ខ្លួន​ក្នុងពេលឆាប់ៗផងដែរ។

លោក Ryan Ong នាយកប្រតិបតិ្តរបស់ក្រុមហ៊ុន Hong Lai Huat Group Limited

នៅក្នុង​ថ្ងៃ​ចុះ​កិច្ចព្រមព្រៀង​រួមគ្នា​នេះ លោក Ryan Ong នាយក​ប្រតិ​ប​តិ្ត​របស់​ក្រុមហ៊ុន Hong Lai Huat Group Limited បាន​មានប្រសាសន៍ថា៖ “យើង​មាន​សេចក្តីសោមនស្ស​រីករាយ​ដែល​បាន​ចុះហត្ថលេខា​លើ​កិច្ចព្រមព្រៀង​ជាមួយ​ក្រុមហ៊ុន Royal Group of Companies Limited ដើម្បី​បើក​ដំណើរការ​គម្រោង​អភិវឌ្ឍន៍​ចម្រុះ​ទី 2 របស់​យើង​នៅ​រាជធានី​ភ្នំពេញ។ បន្ទាប់ពី​បានបញ្ចប់​ភាពជោគជ័យ​លើ​គម្រោង The D’Seaview នៅ​ក្រុងព្រះសីហនុ យើង​ក៏បាន​សម្រេចចិត្ត​សហការ​ជាមួយ​ក្រុមហ៊ុន Royal Group of Companies Limited ដើម្បី​អភិវឌ្ឍន៍​អចលនទ្រព្យ ទី2 នៅ​រាជធានី​ភ្នំពេញ»។

លោក​បាន​បន្ថែមទៀតថា យើង​សម្រេចចិត្ត​ចូលរួម​ជាមួយ​ក្រុមហ៊ុន Royal Group of Companies Limited ដោយសារតែ​ពួកគាត់​ជា​ក្រុមហ៊ុន​ក្នុងស្រុក​ដែលមាន​បទពិសោធន៍​ខ្ពស់ ហើយ​អាច ជួយ​កែសម្រួល​គម្រោង​របស់​ឱ្យស្រប​ទៅនឹង​តម្រូវការ​របស់​ប្រជាជន​កម្ពុជា។

លោក Hanna Mark ប្រធាន​ហិរញ្ញវត្ថុ​របស់​ក្រុមហ៊ុន Royal Group of Companies Limitedបាន​លើកឡើងថា៖ “គម្រោង​ទី2 របស់ HLH Development Pte Ltd ដែល​នឹង​ត្រូវបាន​សាងសង់ឡើង​នៅលើ​ផ្ទៃដី 80.000 ម៉ែត្រការ៉េ​នេះ​ផ្តោត​សំខាន់​លើ​ការផ្តល់ជូន​តាម​តម្រូវការ​ជាក់ស្តែង​រប​ស់ ប្រជាជន​រស់នៅក្នុង​ព្រះរាជាណាចក្រ​កម្ពុជា ដែលមាន​តម្លៃ​សមរម្យ និង​ស្របតាម​ស្តង់ដារ​គុណភាព​អន្តរជាតិ។

លោក​បាន​បន្ថែមទៀតថា៖ “គម្រោង​នេះ​នឹង​ចាប់ផ្តើម​បុកគ្រឹះ​នៅក្នុង​រយៈពេល​បី​ខែ​ខាងមុខ​បន្ទាប់ពី​ការចុះហត្ថលេខា​លើ​ភាពជា​ដៃគូ​នេះ។ លោក​បន្តថា​យើង​គ្រាន់តែ​ត្រូវ​សម្រេចចិត្ត និង​សិក្សា​ទៅលើ​ការចំណាយ​ថា តើ​ត្រូវ​ចំណាយ​ប្រាក់​ប៉ុន្មាន​ទៅលើ​គម្រោង​មួយ​នេះ ហើយ​អ្វីដែល​ពិសេស​យើង​ត្រូវ​ពិនិត្យ​ទៅលើ​ផែនការ​ជាក់ស្តែង​អោយបាន​ច្បា​ល់លា​ស់។ អគារ​នឹង​សាងសង់ឡើង​មាន​កំពស់​ចំនួន 12ជាន់ ដោយសារ​គម្រោង​នៅ​ជិត ព្រលានយន្តហោះ​អន្តរជាតិ​ភ្នំពេញ។ យើង​មានការ​រំភើប​ក្នុងការ​ចាប់​ដៃគូ​ជាមួយ HLH Development Pte Ltd ពីព្រោះ​ក្រុមហ៊ុន​នេះ​មាន​បទពិសោធ​ច្រើនជាង30ឆ្នាំ ក្នុងការ​បង្កើត​អចលនទ្រព្យ​នៅ​ប្រទេស​សិង្ហ​បុរី។ យើង​ចង់ឱ្យ​គម្រោង​នេះ​ទទួលបាន​អត្ថ ប្រយោជន៍​ពី​គុណភាព និង​ស្តង់ដារ​ពី​ប្រទេស​សិង្ហ​បុរី។

Hong Lai Huat Group Limited គឺជា​ក្រុមហ៊ុន​អចលនទ្រព្យ​ដែលមាន​ការរីកចម្រើន យ៉ាង​ឆាប់រហ័ស និង​ភាព​ចម្រុះ​ដែល​ផ្តោតលើ​ការអភិវឌ្ឍន៍​អចលនទ្រព្យ និង​ការអភិវឌ្ឍ​លើ វិស័យ​កសិកម្ម​នៅក្នុង​ប្រទេស​កម្ពុជា និង​សិង្ហ​បុរី។ ជាមួយនឹង​កំណត់ត្រា​ជោគជ័យ​ជាង 30 របស់​ឆ្នាំ​ក្រុមហ៊ុន​នេះ​បានបញ្ចប់​គម្រោង​លំនៅដ្ឋាន​ពាណិជ្ជកម្ម និង​ឧស្សាហកម្ម​ជាច្រើន នៅក្នុង​ប្រទេស​សិង្ហ​បុរី​ដែលមាន​ដូចជា​គម្រោង D’Ecosia, D’Fresco, D’Castilia, D’Almira, D’Lithium, D’KranjiFarm Resort and D’Centennial ជាពិសេស​គម្រោង​អភិវឌ្ឍន៍ The D’Seaview នៅ​ខេត្ត​ព្រះសីហនុ គឺជា​ការអភិវឌ្ឍ​អចលនទ្រព្យ​ដំបូងបង្អស់​របស់​ក្រុមហ៊ុននៅក្នុង​ប្រទេស​កម្ពុជា៕

Advertisement