Longines ម៉ាកនាឡិកាលំដាប់ពិភពលោកបើកសម្ពោធជាផ្លូវការជាថ្មីនៅរាជធានីភ្នំពេញ

ភ្នំពេញថ្ងៃទី23 ខែសីហា ឆ្នាំ2019 – ដើម្បីជាភាពងាយស្រួលដល់អតិថិជន នឹងជាការពង្រឹងវត្តមានរបស់ខ្លួននៅក្នុងប្រទេសកម្ពុជា ប្រ៊េនដ៍នាឡិកាដៃ Longines របស់ប្រទេសស្វីស បានរៀបចំកម្មវិធីបើកសម្ពោធហាងលក់នាឡិកាដ៏ទំនើបជាផ្លូវការជាថ្មីនៅរាជធានីភ្នំពេញ នាថ្ងៃសុក្រ ទី23 ខែសីហា ឆ្នាំ2019 ដែលស្ថិតនៅផ្ទះលេខ171 ផ្លូវលេខ130 សង្កាត់ផ្សារថ្មី1 ខណ្ឌដូនពេញ រាជធានីភ្នំពេញ។ ហាងថ្មីនេះមានការរចនាតាមបែបបទស្តង់ដាអន្តរជាតិ ហើយក៏មានការតាំងបង្ហាញនូវជម្រើសជាច្រើន ព្រមទាំងម៉ូដចុងក្រោយបំផុតជូនដល់អតិថិជនរបស់ Longines ផងដែរ។មានភ្ញៀវកិត្តិយសជាច្រើនបានចូលរួមនៅក្នុងព្រឹត្តិការណ៍មួយនេះ រួមទាំងដៃគូអាជីវកម្ម ព្រមទាំងតារាដ៏ល្បីល្បាញប្រចាំព្រះរាជាណាចក្រកម្ពុជា គឺអ្នកនាង ឱក សុគន្ធកញ្ញា និងស្វាមី បានចូលរួមជាភ្ញៀវកិត្តិយស ដោយអ្នកទាំងពីរជាអតិថិជនរបស់ Longines ផងដែរ ។ បន្ទាប់ពីពិធីកាត់ខ្សែបូរបើកសម្ពោធហាងលក់នាឡិកាដ៏ទំនើបជាផ្លូវការនេះ ភ្ញៀវដែលបានចូលរួមនៅក្នុងកម្មវិធីទាំងអស់ ក៏ត្រូវបានអញ្ជើញឱ្យចូលទស្សនាហាងនាឡិកា Longines ដ៏ស្រស់ឆើតឆាយ និងម៉ូដថ្មីរបស់នាឡិកាម៉ាក Longines ថែមទៀតផង។ក្នុងឱកាសបើកសម្ពោធនេះផងដែរ ម៉ាកនាឡិកាលំដាប់ពិភពលោកមួយនេះក៏បានបង្ហាញពីនាឡិកាម៉ូដថ្មីរបស់ខ្លួន ដែលជាខូឡិកស្សិនរបស់ HydroConquest។ ជាមួយការរួមបញ្ចូលគ្នានូវឯកទេសល្អឥតខ្ចោះនៃនាឡិកា និងតាមបែបប្រពៃណីយ៉ាងប្រណីត មិនត្រឹមតែប៉ុណ្ណោះលក្ខណៈពិសេសទាំងពីរនេះបញ្ជាក់ពីម៉ាកនាឡិកាដែលមានរូបតំណាងដោយ នាឡិកាខ្សាច់មានស្លាប ដែលការរចនាដ៏វិសេសនេះបានធ្វើឱ្យមុខកាត់បញ្ឆិតនៃនាឡិកាមួយនេះស្រស់ស្អាតឡើង ដោយមានការរួមបញ្ចូលនូវពណ៌សេរ៉ាមិច ទន្ទឹមនឹងនោះបានបន្ថែមនូវពន្លឺទាក់ទាញ ដ៏ អស្ចារ្យ និងទាន់សម័យ។ កាន់តែអស្ចារ្យនៃការរចនានាឡិកាម៉ូដែលថ្មីនេះ ត្រូវបានបង្កើតឡើងដោយធុននឹងទឹកដែលត្រូវបានទទួលស្គាល់ថាសាកសមបំផុតជាមួយកីឡាក្នុងទឹក។នាឡិកាដៃម៉ាក Longines មានប្រភពមកពីទីក្រុង Saint-Imier នៃប្រទេសស្វីស តាំងពីឆ្នាំ1832 មកម្ល៉េះ ក្រុមហ៊ុនផលិតនាឡិកាដៃម៉ាក Longines រក្សាបាននូវភាពខ្លាំងរបស់ខ្លួន បែបប្រពៃណី រូបរាងស្អាតឆើតឆាយ និងការគុណភាពដ៏ល្អ។ ជាមួយនឹងបទពិសោធជាច្រើនជំនាន់ក្នុងនាមជាជើងឯកលំដាប់ពិភពលោកខាងរក្សាពេលវេលាដ៏សុក្រឹត និងជាដៃគូរបស់សហព័ន្ធកីឡាអន្តរជាតិ Longines, ទន្ទឹមនឹងនេះក៏បានបង្កើតនូវទំនាក់ទំនងដ៏រឹងមាំ និងយូរអង្វែងនៅក្នុងពិភពនៃកីឡាអស់រយៈពេលជាច្រើនឆ្នាំ។ ដោយត្រូវបានពិភពលោកទទួលស្គាល់ថា ជាម៉ាកនាឡិកាដៃប្រកបដោយភាពស្រស់ឆើតឆាយ Longines គឺជាប្រ៊េនដ៍មួយរបស់ក្រុមហ៊ុន Swatch Group Ltd., ដែលជាក្រុមហ៊ុនផលិតនាឡិកាដៃឈានមុខគេនៅលើពិភពលោក។ ហាងនាឡិកាដៃម៉ាក Longines ដែលមានរូបសញ្ញានាឡិកាខ្សាច់មានស្លាប ដែលមានទីតាំងនៅក្នុងប្រទេសជាង150ប្រទេសទូទាំងពិភពលោក។

សម្រាប់ព័ត៌មានបន្ថែមសូមទំនាក់ទំនងតាមរយៈលេខទូរស័ព្ទ ៖ +855 12 955 024

Advertisement