ស្បែកងាយកើតប្រតិកម្ម តើត្រូវមើលថែទាំយ៉ាងណា?

តើអ្នក ជាមនុស្សម្នាក់ទៀតមែនទេ ដែលជួបបញ្ហាទាំងនេះ? ស្បែករបកឡើងហុយ ស្បែកស្ងួតក្រិន ច្រើនតែងាយកើតអាការឡើងកន្ទួលក្រហម និងរមាស់…ទាំងអស់នេះបង្ហាញថា អ្នកមានស្បែកដែលស្ដើង ងាយនឹងកើតប្រតិកម្ម ហ្នឹងឯង..។

តើស្បែកស្ដើង ងាយកើតប្រតិកម្ម គឺជាអ្វី?

Advertisement

ស្បែកស្ដើង ងាយកើតប្រតិកម្ម គឺជាស្បែកដែលងាយនឹងកើតអាការរមាស់ក្រហាយដោយសារអាកាសធាតុជុំវិញខ្លួន។ សភាពស្បែកច្រើនតែស្ងួតក្រៀម របកឡើងហុយ និងច្រើនតែងាយកើតអាការកន្ទួលក្រហម និងរមាស់ ពេលប៉ះពាល់នឹងផលិតផលអ្វីមួយ ដោយកម្រិតនៃការងាយកើតប្រតិកម្មនេះ នឹងខុសប្លែកពីគ្នាពីម្នាក់ទៅម្នាក់ តែគេប្រទះឃើញកើតមាននៅលើស្ត្រី ច្រើនជាងបុរស ដោយស្ត្រីថៃជាង 50% ច្រើនមានស្បែកដែលងាយកើតប្រតិកម្ម និងអាចកើតឡើងនៅលើគ្រប់ផ្នែកនៃរាងកាយ តាំងពីស្បែកមុខ បបូរមាត់ ស្បែកដងខ្លួន និងស្បែកក្បាល ឬក្នុងអំឡុងដែលរាងកាយកើតការប្រែប្រួលខ្លាំង ដូចជា ពេលមានគភ៌ ជាដើម។

បច្ច័យចម្បង គឺកើតចេញពីស្រទាប់ខ្លាញ់ការពារស្បែក ត្រូវបានបំផ្លាញដោយសារអាកាសធាតុជុំវិញខ្លួន មិនថាតែពន្លឺថ្ងៃ ឬខ្យល់អាកាសមិនល្អ ឬការប្រើសារធាតុគីមីផ្សេងៗលើស្បែក រហូតធ្វើឱ្យក្រោះការពារស្បែកចុះខ្សោយ ជាហេតុធ្វើឱ្យសារធាតុដែលបង្កឱ្យកើតភាពឈឺផ្សាក្រហាយ ដូចជាធូលីដី សារធាតុគីមី ឬមេរោគបាក់តេរី ដែលនៅក្នុងអាកាសធាតុជុំវិញខ្លួន ចូលមកនៅលើស្បែកបានយ៉ាងងាយ ទើបអាការស្បែកស្ងួត និងឈឺផ្សាក្រហាយកើតឡើង។

ទោះជាមិនមានវិធីកែបញ្ហានេះ ឬព្យាបាលស្បែកដែលងាយកើតប្រតិកម្មឱ្យជាដាច់ក៏ដោយ តែ បើសិនយើងយល់ដឹងពីបញ្ហាថា តើវាកើតឡើងដោយសារអ្វី និងអ្វីដែលជាបច្ច័យជំរុញឱ្យកើតអាការប្រតិកម្មចាញ់នោះ យើងនឹងមានវិធីគ្រប់គ្រង និងចាត់ការស្បែកស្ដើងបែបនេះ បានយ៉ាងត្រឹមត្រូវ រួមទាំងការជ្រើសរើសប្រើផលិតផលថែទាំស្បែកមុខ ដែលស័ក្តិសមនឹងសភាពស្បែក ក៏នឹងជួយឱ្យយើងអាចមើលថែទាំ និងព្យាបាលស្បែកដែលងាយកើតប្រតិកម្ម បានយ៉ាងមានប្រសិទ្ធភាពខ្លាំងឡើងដែរ។ ថ្ងៃនេះ យើងមានគន្លឹះល្អៗក្នុងការមើលថែទាំស្បែកដែលងាយកើតប្រតិកម្មចាញ់ មកជម្រាបជូន ធានាថា បើធ្វើបានតាមហ្នឹង ស្បែកស្អាតៗ នឹងវិលត្រឡប់មកវិញជាមិនខាន។

ត្រូវដឹងពីមូលហេតុ និងបច្ច័យដែលជំរុញឱ្យស្បែកឆាប់កើតប្រតិកម្មចាញ់ ដែលមានទាំងអស់ 3យ៉ាង ដូចជា៖

1.ប្រព័ន្ធការពារស្បែកតាមធម្មជាតិ៖ ជាធម្មតា ស្បែកស្រទាប់ខាងលើរបស់យើង នឹងជួយរក្សាភាពស្រស់បស់ និងសំណើម មានតួនាទីចាំការពារស្បែក មិនឱ្យកើតអាការឈឺក្រហាយផ្សា និងការពារមិនឱ្យបច្ច័យខាងក្រៅ ចូលមកបំផ្លាញ។ បើក្រោះការពារស្បែក រឹងមាំ វានឹងការពារស្បែកពីបច្ច័យខាងក្រៅ និងមិនឱ្យបាត់បង់ភាពស្រស់បស់បាន។

2.បច្ច័យខាងក្នុង៖ អាយុ មានផលប៉ះពាល់ដល់គ្រោងសាងរបស់ស្បែកដោយផ្ទាល់។ ក្មេង ច្រើនមានក្រោះការពារស្បែកដែលនៅទន់ខ្សោយ ហើយមនុស្សធំ គ្រោងសាងរបស់ស្បែក នឹងទន់ខ្សោយទៅតាមអាយុ ដូច្នេះហើយទើបធ្វើឱ្យវ័យទាំង 2នេះ មានស្បែកដែលងាយកើតប្រតិកម្មចាញ់ និងផុយស្រួយចំពោះសារធាតុគីមី និងបច្ច័យខាងក្រៅដែលនឹងចូលមកបំផ្លាញ។

3.បច្ច័យខាងក្រៅៈ សភាពអាកាសធាតុ ក៏មានផលប៉ះពាល់ដល់ស្បែកដែលងាយកើតប្រតិកម្មចាញ់ដែរ។ អាកាសធាតុត្រជាក់ និងមានសំណើមតិច ច្រើនតែធ្វើឱ្យកើតមានសភាវស្បែកឡើងស្ងួត ឬស្បែកខ្វះជាតិទឹក ស្បែកអាចនឹងបែកប្រេះ ឬអាកាសធាតុដែលក្ដៅខ្លាំងជ្រុលពេក និងមានសំណើមខ្ពស់ខ្លាំងជ្រុលពេក ធ្វើឱ្យចេញញើស និងកើតការស្ទះណែននៃវត្ថុកខ្វក់បានយ៉ាងងាយ។ សភាពបរិស្ថានជុំវិញខ្លួន អាកាសធាតុមានជាតិពុលផ្សេងៗ និងវត្ថុកខ្វក់ទាំងឡាយ ដែលមិនអាចមើលឃើញដោយភ្នែកទទេបាន ក៏អាចហុចផលប៉ះពាល់ដល់ស្បែករបស់យើងបានដែរ ដូចជា ធូលីដីកម្រិត PM 2.3 ជាដើម។ ការជ្រើសរើសផលិតផលថែបំប៉នស្បែកមុខ និងស្បែកដងខ្លួន ដែលមិនស័ក្តិសមនឹងសភាពស្បែក ក៏អាចបណ្ដាលឱ្យក្រោះការពារស្បែកតាមធម្មជាតិ ត្រូវបំផ្លាញដែរ និងធ្វើឱ្យស្បែកបាត់បង់សំណើម មានភាពប្រថុយប្រថាននឹងការកើតអាការក្រហាយផ្សា និងអាចបន្តដោយអាការប្រតិកម្មចាញ់ដែលធ្ងន់ធ្ងរឡើងបាន។

តើត្រូវមើលថែទាំស្បែក ដែលងាយកើតប្រតិកម្មចាញ់យ៉ាងណា?

ទោះជាបច្ច័យខាងក្នុង ដែលជំរុញឱ្យស្បែកដែលងាយកើតប្រតិកម្មចាញ់ អាចជារឿងដែលយើងមិនអាចគ្រប់គ្រងបានក៏ដោយ តែបច្ច័យខាងក្រៅ ជារឿងដែលយើងអាចចៀសវាង និងកែសម្រួលទង្វើ ដែលអាចជំរុញឱ្យកើតអាការនោះបាន។

1.លាងសម្អាតមុខ ដោយទឹកដែលមានសីតុណ្ហភាពប្រក្រតី មិនគួរប្រើទឹកក្ដៅទេ ព្រោះនឹងធ្វើឱ្យតុល្យភាពរបស់ស្បែក ត្រូវបានលាងជម្រះចេញច្រើន និងមិនគួរលាងសម្អាតផ្ទៃមុខញឹកញាប់ឡើយ អាចចែកចេញជា 2ដងក្នុង 1ថ្ងៃ ព្រឹក-ល្ងាច ក៏គ្រប់គ្រាន់ហើយ និងគួរចៀសវាងការប្រើកន្សែងជូតមុខខ្លាំងៗ ព្រោះអាចជាការជំរុញស្បែកឱ្យកើតការឈឺក្រហាយបាន។

2.ការជ្រើសរើសទទួលទានអាហារដែលមានសារធាតុប្រឆាំងរ៉ាឌីកាល់សេរី និងសម្បូរវីតាមីនC និងចៀស​វាងអាហារដែលមានជាតិម្សៅច្រើន ទាំងអស់នេះនឹងជួយឱ្យស្បែកមានសុខភាពល្អបាន។

3.ការជ្រើសរើសប្រើផលិតផលថែទាំស្បែកមុខ និងឃ្រីមថែបំប៉នស្បែកដែលងាយកើតប្រតិកម្មចាញ់ជាពិសេសនោះ គឺជាវិធីមួយដែលធ្វើឱ្យស្បែកដែលងាយកើតប្រតិកម្មចាញ់ បានទទួលការស្ដារសភាពឡើងវិញ និងបំប៉នយ៉ាងត្រឹមត្រូវតាមវិធី ដូចជា SilkMine Essence Protein អេសសេនរូបមន្តទន់ភ្លន់សម្រាប់ស្បែក សូម្បីតែជុំវិញកែវភ្នែកក៏ដោយ និងសម្បូរទៅដោយ អាមីណូ ប្រូតេអ៊ីន ពីសម្បុកសូត្រតែបៃតងមកពីជប៉ុន ខ្ពស់ដល់ទៅ 95% នឹងជួយស្ដារ និងបង្កើនសរសៃ អ៊ីឡាស្ទីន ធ្វើឱ្យស្បែកមានភាពរឹងប៉ឹង បង្កើនក្រោះការពារស្បែកឱ្យមានសុខភាពរឹតតែល្អឡើង។ បើបានប្រើជាប់ជាប្រចាំ និងជាប់លាប់ នឹងជួយលុបបំបាត់ស្លាកស្នាមដែលជាសញ្ញានៃវ័យ ជួយលើកបន្តឹងស្បែក និងសាង ខូឡាជេន ធ្វើឱ្យស្បែករាបរលាង ទន់ ស្រស់បស់ មិនស្អិតរមាស់។

ការមើលថែទាំស្បែកមុខ និងស្បែកដងខ្លួន សម្រាប់អ្នកដែលមានស្បែកងាយកើតប្រតិកម្មចាញ់ និងស្បែកស្ដើង ដើម្បីការពារការកើតប្រតិកម្មចាញ់ និងផ្សាក្រហាយនេះ ត្រូវយល់ដឹងពីមូលហេតុ និងបច្ច័យជំរុញផ្សេងៗ ដើម្បីកាត់បន្ថយការផ្សាក្រហាយដែលអាចនឹងធ្ងន់ធ្ងរឡើងបាន។ ទាំងអស់នេះ ការកែសម្រួលទង្វើ និងការជ្រើសរើសប្រើផលិតផលឱ្យស័ក្តិសមនឹងសភាពស្បែករបស់ខ្លួនឯង ក៏ជាជម្រើសមួយទៀតក្នុងការស្ដារ និងថែបំប៉នស្បែកឱ្យរឹងប៉ឹងឡើងយ៉ាងនិរន្តរ៍បានដែរ៕

Advertisement