សន្និសីទសារព័ត៌មាន ស្តីពីការបើកវគ្គបណ្តុះ​បណ្តាលលើកទី៣ ពីរបៀបធ្វើនំ របស់ក្រុមហ៊ុន ដាវ ដឹ ខេក និងការ​ចុះអនុស្សរណៈយោគយល់រវាង ក្រុមហ៊ុន ដាវ ដឹ ខេក ជាមួយក្រុមហ៊ុន Bliss Weeding, Home Photography និងMetro Catering & Event

ក្រុមហ៊ុន ដាវ ដឹ ខេក មាន​កិត្តិយសសូមជម្រាប​ជូន​សា​ធារ​ណជន ជា​ពិ​សេស​អ្នក​សារ​ព័ត៌​មានឱ្យបានជ្រាបថា ក្រុមហ៊ុន ដាវ ដឹ ខេក នឹង​រៀប​ចំ​សន្និសីទសារព័ត៌មានមួយស្តីពី «ការបើកវគ្គបណ្តុះបណ្តាលធ្វើនំលើកទី3 ដ៏ធំមួយ​​នៅកម្ពុជា របស់ក្រុមហ៊ុន ដាវ ដឹ ខេក និងពិធីចុះអនុស្សរណៈយោគយល់គ្នា រវាងក្រុមហ៊ុន ដាវ ដឹ ខេក ជាមួយក្រុមហ៊ុន Bliss Weeding, Home Photography និង Metro Catering & Event » ដើម្បី​បណ្ដុះ​បណ្ដាល​​ជំនាញ​វិជ្ជា​ជីវៈ ដល់​សា​ធារ​ណជន ​ដែល​មាន​​ការ​គាំ​ទ្រ​ច្រើន​ពី​សំ​ណាក់​សា​ធារ​ណ​ជន ​ដែលធ្លាប់ទទួលបានជោគជ័យ 2លើករួចមកហើយ លើ​ការ​បណ្តុះ​បណ្តាលអំពីរ​បៀប​ធ្វើ​នំនាពេលកន្លងមក ស្របតាមគោលនយោបាយរបស់រាជរដ្ឋាភិបាល និង​ក្រសួង​ទេស​ចរណ៍ លើវិស័យចំណីអាហារ។

សន្និ​សីទនេះ​នឹង​ប្រព្រឹត្តទៅ​នៅ​ថ្ងៃទី27 ខែសីហា ឆ្នាំ​2020 ចាប់ពីវេលាម៉ោង 1រសៀលតទៅ ​នៅ Factory Phnom Penh ។

ចំពោះវគ្គបណ្ដុះបណ្តាលអំពីវិធីធ្វើនំ នឹង​រៀប​ចំឡើង ចាប់ពីថ្ងៃទី​4 ដល់ថ្ងៃទី8 ខែកញ្ញា ឆ្នាំ2020 ​ក្នុង​គោល​បំ​ណង​លើកកម្ពស់ វិស័យម្ហូបអាហានៅកម្ពុជា ​ព្រមទាំងផ្តល់ចំណេះដឹងដល់​សិក្ខាកាម ​ដែល​ចង់​សិក្សា​ជំនាញធ្វើនំច្រើន​ប្រភេទ ដែល​ជាជំនាញ​កំពុងពេញ​និយម នាពេល​បច្ចុប្បន្ន និងសម្រាប់អ្នកដែល​ចង់​បង្កើត​មុខ​របរ​ផ្ទាល់​ខ្លួន ដោយ​ស្រប​តាម​ការអំពាវនាវរបស់រាជរដ្ឋាភិបាល ​និងក្រសួងទេសចរណ៍ ជាមួយ​នឹង​តម្លៃ​សិក្សា​យ៉ាង​ពិ​សេស​ ព្រម​ទាំង​មាន​គ្រូ​បណ្តុះ​បណ្តាល​​ដែល​មាន​ជំ​នាញ​ច្បាស់​លាស់ទៀតផង។

សូមបញ្ជាក់ថា ​ វគ្គបណ្តុះបណ្ដាលនេះ នឹងធ្វើតាមវិធានសុវត្តិភាព ក្នុងការទប់ស្កាត់ការរាលដាលនៃជំងឺ​កូវីដ​-19 ក្នុងវិស័យទេសចរណ៍ ដែលដាក់ចេញដោយក្រសួងសុខាភិបាល និងក្រសួងទេសចរណ៍។

យើង​ខ្ញុំ​សូម​ថ្លែងអំណរគុណ​ចំពោះ រាជរដ្ឋាភិបាល និង​ក្រសួង​សុខាភិបាល ដែល​ខិតខំ​ទប់ស្កាត់ជំងឺកូវីដ-19 បាន​ជោគជ័យ ធ្វើ​ឱ្យ​កម្ម​វិធី​នេះ ​ដំណើរទៅការបាន និង​អរគុណដល់ដៃគូសហការនិង​ភ្ញៀវកិត្តិយស ជា​ពិ​សេស​អ្នក​សារព័ត៌មានទាំងអស់ ដែល​នឹង​អញ្ជើញ​​ចូល​រួមនៅក្នុង​សន្និ​សីទ​សារ​ព័ត៌​មាន​ស្តី​ពីការ​«ការបើកវគ្គបណ្តុះបណ្តាល​​​ធ្វើនំលើកទី3 របស់ ក្រុមហ៊ុន ដាវ ដឹ ខេក និងចុះអនុស្សរណៈយោគយល់ រវាងក្រុមហ៊ុន ដាវ ដឹ ខេក ជាមួយក្រុមហ៊ុនBliss Weeding, Home Photography និងMetro Catering & Event» និងទទួល​យក​នូវ​ព័ត៌​មាន ព្រម​ទាំង​​ចូល​រួម​ផ្សព្វ​ផ្សាយ​ឱ្យបាន​ទូលំទូលាយ ដើម្បី​ជា​ប្រ​យោជន៍ដល់​សាធារណជន។

សម្រាប់ព័ត៌មាន​បន្ថែម សូម​ទាក់​ទងតាមទូរស័ព្ទលេខ៖ 012 535 686

Advertisement

 

 

 

 

 

 

Advertisement