សាលារៀនវ៉េស្ទឡាញន៍ក្រុងបាត់ដំបងផ្តល់ប្រព័ន្ធអប់រំបែបបច្ចេកវិទ្យា និងទទួលសិស្សចូលរៀនសម្រាប់វគ្គសិក្សាថ្មីថ្ងៃទី៣ វិច្ឆិកា

នៅក្នុង​របត់​នៃបដិ​វដ្ត​ឧស្សាហកម្ម 4.0 នេះ​ពិភពលោក​បាន​ផ្លាស់ប្តូរ​យ៉ាង​លឿន ដែល​ក្នុងនោះ​ប្រព័ន្ធ​អប់រំ ក៏​ទាមទារ​ឱ្យមាន​ការឆ្លើយតប​នឹង​របត់​បច្ចេកវិទ្យា​ផងដែរ ដើម្បី​អាច​បណ្តុះបណ្តាល​ធនធាន​មនុស្ស​ប្រកបដោយ​សក្តានុពល​សម្រាប់​ទីផ្សារការងារ​នៅ​បច្ចុប្បន្ន និង​អនាគត។

ឧកញ៉ា ប៉ិច បូ​ឡែ​ន អគ្គនាយក​ក្រុមហ៊ុន​វេស​ឡាញ អេ​ឌ្យូ​ខេ​សិន គ្រុប បាន​លើកឡើងថា  សាលារៀន​វ៉េ​ស្ទ​ឡា​ញន៍ សាខា​ចំការ​សំរោង ក្រុង​បាត់ដំបង​ចាប់​ដំណើរ​បាន​រយៈពេល​ជាង១ខែ​រួម​មកហើយ បន្ទាប់​ទទួលបាន​លិខិត​អនុញាតិ​ពី​ក្រសួង​អប់រំ យុវជន និង​កីឡា។ លោក​ឧកញ៉ា​បាន​បន្តទៀតថា សាខា​ថ្មី​នេះ គឺ​យកចិត្តទុកដាក់​ខ្លាំង​លើ​ការបណ្តុះបណ្តាល​សិស្សានុសិស្ស​ឱ្យ​ឆ្លើយតប​ទៅនឹង​របត់​នៃ​បច្ចេកវិទ្យា 4.0 និង​ការអប់រំ​តាមបែប​សតវត្ស​ទី21ដែល​នឹង​ក្លាយជា​សាលារៀន​ឆ្លាត​វៃ​ដំបូង​គេ ដោយសារតែ​ទី1 យើង​បាន​បញ្ចូល​នូវ​បច្ចេកវិទ្យា​ក្នុង​ការអប់រំ​ជាច្រើន ដែលជា​បទពិសោធន៍​ថ្មី​មួយ​សម្រាប់​សិស្ស ក្នុងការ​សិក្សា ការងារ អាជីវកម្ម និង ការរស់នៅ​ដោយ​ផ្សារភ្ជាប់​ជាមួយនឹង​បច្ចេកវិទ្យា ទី2 មេរៀន​សិក្សា យើង​បាន​បញ្ចូល​នូវ​ប្រព័ន្ធ​ទំនាក់ទំនង​ជាមួយ​អាណាព្យាបាល វេទិកា​បង្រៀន​អន​ឡាញ និង​ការគាំទ្រ​សិក្សា​ពី​ចម្ងាយ​ដោយ​សហការ​ជាមួយនឹង​ក្រុមហ៊ុន​បច្ចេកវិទ្យា​អប់រំធំៗចំនួន6 ដូចជា Edemy, E-School, Sangapac, Maxbit, VConnect, DTP និង ប្រព័ន្ធ​គ្រប់​គ្រង់​សាលារៀន​ផងដែរ ដែល​មាតាបិតា​សិស្ស និង​សិស្ស​អាច​ពិនិត្យមើល​វត្តមាន​របស់​សិស្ស ទទួលបាន​នូវ​ព័ត៌មាន​សិក្សា​របស់​បុត្រ​ធីតាភ្លាមៗជាមួយនឹង​ទូរស័ព្ទ​ឆ្លាត​វៃ និង​អាចធ្វើ​ការបង់ថ្លៃ​សិក្សា​បាន​ដោយ​ពុំ​ចាំបាច់​មក​បញ្ជរ​បង់ប្រាក់​របស់​សាលារៀន។

ម្ចាស់​គ្រឹះស្ថាន​អប់រំ​ខាងលើ​បាន​បន្ថែមទៀតថា នៅក្នុង​សាលារៀន​វ៉េ​ស្ទ​ឡា​ញន៍ សាខា​ថ្មី​នេះ យើង​នឹង​បញ្ចូល​នូវ​ឧបករណ៍​បរិក្ខា​បច្ចេកវិទ្យា​ចុងក្រោយ​បំផុត​សម្រាប់​បង្រៀន​សិស្ស ដូច​ជាមាន​រោងភាពយន្ត​ខ្នាតតូច​ទំនើប​សម្រាប់​បម្រើឱ្យ​គោលបំណង​អប់រំ និង​មាន​ប្រើប្រាស់​បច្ចេកវិទ្យា Interactive Whiteboard, AR និង​បច្ចេកវិទ្យា VR ជាដើម​ដើម្បីឱ្យ​សិ​ស្សាបាន​សិក្សា និង​ប្រើប្រាស់ មិន​ត្រឹមតែ​ប៉ុណ្ណោះ​សាលារៀន​ក៏បាន​រៀបចំ​កន្លែង​សម្រាក​របស់​សិស្ស​បន្ទាប់​ពី​ការសិក្សា ហើយក៏​ជា​កន្លែង​ដែល​សិស្ស​អាចធ្វើ​ការពិភាក្សា​កិច្ចការងារ​ជា​ក្រុម​បាន​ផងដែរ និង​សាលារៀន​បាន​បង្កើត​នូវ​បន្ទប់​ត្រួតពិនិត្យ​សុវត្ថិភាព ដើម្បី​ធានា​ឱ្យបាន​នូវ​សុខ​សុវត្ថិភាព​ពេញលេញ​ជូន​សិស្សានុសិស្ស និង​បុគ្គលិក​របស់​សាលារៀន​ផងដែរ ជាពិសេស​ជាងនេះទៅទៀត​នោះ សាលារៀន​បានដាក់​នូវ​បច្ចេកវិទ្យា​ថ្មី​មួយទៀត ជាមួយនឹង​កាត​សម្គាល់​របស់​សិស្ស គឺអាច​ចេញចូល​ក្នុង​អគា​សិក្សា ចូល​បណ្ណាល័យ។ លើសពីនេះ ប្រព័ន្ធ​ប្រើប្រាស់​ប័ណ្ណ​សាច់ប្រាក់(Cash Card) ទិញ​ទំនិញ​នៅក្នុង​អាហារ​ដ្ឋា​ន​នឹង​ចាប់​អនុវត្ត​នៅពេលឆាប់ៗខាងមុខ ដោយ​មិនចាំបាច​ប្រើប្រាស់​សាច់ប្រាក់​នោះទេ ហើយ​មាតាបិតា​សិស្ស​ក៏​អាច​គ្រប់គ្រង និង​មើល​របាយការណ៍​ប្រើបាស់​ថវិកា​របស់​បុត្រ​ធីតា​បាន​ទៀតផង។

លោក​ឧកញ៉ា​បាន​បញ្ជាក់ថា បន្ថែម​ពីលើ​នេះ យើង​ក៏បាន​បញ្ចូល​នូវ​ការបង្រៀន​តាមបែប​ឆ្លាត​វៃ​ជាច្រើន​ផ្សេងទៀត​បន្ថែម​ពីលើ​កម្មវិធីសិក្សា​គោល​ជា​ភាសា​ខ្មែរ ដូចជា​ការបង្រៀន​ពី​ការធ្វើ​ស្វ័យប្រវត្តិកម្ម (Automation) រួមទាំង​កម្មវិធី​មួយចំនួនទៀត​ស្របតាម​របត់​នៃ​បច្ចេកវិទ្យា 4.0 និង​ដាក់ឱ្យ​សិក្សា​កម្មវិធី​ដែល​ឆ្លើយតប​ជាមួយនឹង​សតវត្ស​ទី21។

សាលារៀន​វ៉េ​ស្ទ​ឡា​ញន៍ សាខា​ថ្មី​នេះ​នឹង​រៀបចំ​ឱ្យមាន​ប្រព័ន្ធ​សុវត្ថិភាព​ខ្ពស់​សម្រាប់​ការពារ​សិស្សានុសិស្ស ដោយ​ប្រើប្រាស់​បច្ចេកវិទ្យា​ទំនើប ដើម្បី​ឆ្លើយតប​ជាមួយនឹង​ការណែនាំ​របស់​ក្រសួងសុខាភិបាល និង​ក្រសួង អប់រំ យុវជន និង​កីឡា​ផងដែរ។

សម្រាប់​វគ្គ​សិក្សា​ថ្មី​ថ្ងៃទី៣ ខែ​វិច្ចិកា ខាងមុខនេះ សូម​គោរព​អញ្ជើញលោក​អ្នកធ្វើ​ទស្សនកិច្ច​សិក្សា សាលារៀន​វ៉េ​ស្ទ​ឡា​ញន៍ សាខា​ចំការ​សំរោង “សាលារៀន​ឆ្លាត​វៃ​ទី១ នៅ​បាត់ដំបង” ព្រមទាំង​ផ្តល់ជូន៖ ១. អាហារូបករណ៍ រហូតដល់ ៣០% លើ​តម្លៃ​សិក្សា ២. ធានារ៉ាប់រង​គ្រោះថ្នាក់​សិស្ស ២៤/២៤ម៉ោង ក្នុង ១សប្តាហ៍ ទូទាំង​ពិភពលោក ៣. ការពារ​ការសិក្សា​បុត្រ​ធីតា​រហូតដល់ ៥ឆ្នាំ រហូតដល់​ថ្ងៃទី១៤ ខែវិច្ឆិកា៕

Advertisement