ក្លិបបាល់ទាត់ Watford ដែលទើបតែឡើងមកលេងនៅក្របខ័ណ្ឌលីគកំពូលអង់គ្លេស English Premier League រដូវកាល2021-2022 នេះ បានប្រកាសព័ត៌មាន អំពីការនាំយកកីឡាករខ្សែបម្រើសញ្ជាតិអង់គ្លេសម្នាក់ មករួមក្រុម ដើម្បីត្រៀមខ្លួនប្រកួតប្រជែងក្នុងរដូវកាលថ្មីខាងមុខនេះ។
ខ្សែការពារ Daniel Lee Rose ត្រូវបានក្លិបខាងលើ ផ្តល់កុងត្រារយៈពេល 2ឆ្នាំ ក្រោយពីគេផុតកុងត្រាជាមួយនឹងក្លិប Tottenham Hotspurs ភ្លាមៗ (ចុងខែឧសភាកន្លងទៅ) ដោយការផ្ទេរយកអតីតកីឡាករជម្រើសជាតិអង់គ្លេសរូបនេះ គឺមិនមានតម្លៃខ្លួនឡើយ។
គួរបញ្ជាក់ផងដែរថា Rose ជាកីឡាកររបស់ Spur តាំងពីឆ្នាំ2007 មក និងធ្លាប់ទៅលេងនៅក្លិបផ្សេងក្នុងលក្ខខណ្ឌខ្ចីជើងទៀតផង ជាក់ស្ដែងកីឡាកររូបនេះក៏ធ្លាប់ទៅលេងឱ្យ Watford ម្ដងរួចមកហើយដែរ កាលរដូវកាលឆ្នាំ2007/2009៕
Advertisement
