Buffon មិនទាន់​ចូលនិវត្តន៍​ទេ ហើយនឹង​ចុះ​កុងត្រា​ថ្មី 2ឆ្នាំ​ទៀត

កាលពីពេលថ្មីៗនេះ Gianluigi Buffon ដែល​ត្រូវបាន​អ្នក​ស្នេហា​វិស័យ​កីឡាបាល់ទាត់ ស្គាល់​ថា ជា​អ្នកចាំទី​ដ៏​កំពូល របស់​អ៊ីតាលី​នោះ បានប្រកាស​ចូលនិវត្តន៍ នៅ​ចុងរដូវ​កាល2020-2021 នេះ ខណៈដែល​កុងត្រា​របស់គេ​នៅ​ជាមួយ​ក្លិប Juventus នៃ​ក្របខ័ណ្ឌ អ៊ីតាលី Seria A នេះ ក៏​នឹង​ផុត​នៅ​ចុងឆ្នាំ2021នេះដែរ។

តែ​ពេលនេះ ស្រាប់តែ​លេចឮ​ព័​ត៍​មាន​ឡើង​ថា Buffon នឹង​អាច​ទៅលេង​ឱ្យ​ក្លិប Parma ក្នុង​កិច្ចព្រមព្រៀង​ចំនួន 2រដូវ​កាល រហូតដល់​ចុងឆ្នាំ2023 ហើយ​គ្រោង​នឹង​បង្ហាញខ្លួន​ជា​ផ្លូវការ​នៅក្នុង​សប្ដាហ៍​នេះ​ទៀតផង។

គួរ​រំឭក​ដែរ​ថា Gianluigi Buffon មាន​ស្នាដៃ​ច្រើនណាស់​ក្នុង​ពិភព​បាល់ទាត់ និង​សម្រាប់​អ៊ីតាលី ដែល​ធ្លាប់បាន​ជួយ​ឱ្យ​អ៊ីតាលី ឈ្នះ World Cup 2006 និង​ពាន Mediterranean Games 1997។ សម្រាប់​ក្របខ័ណ្ឌ​ក្រុម​វិញ គេ​បានឈ្នះ​ពាន Seria A ចំនួន 10លើក និង Coppa Italia 4លើក៕

Advertisement
Advertisement