វគ្គ​ជម្រុះ​ពូ​ល K នៃ​ព្រឹត្តិការណ៍ AFC U23 Asian Cup 2022៖ ជប៉ុន ឈ្នះ កម្ពុជា 4-0

នៅក្នុង​ការប្រកួត​ជម្រុះ​ពូ​ល K នៅ​កីឡដ្ឋាន J-Village នៃ​ព្រឹត្តិការណ៍ AFC U23 ASIAN CUP 2022 ក្រុម​ម្ចាស់ផ្ទះ ជប៉ុន ក្រោម​អាយុ23 ឆ្នាំ បាន​យកឈ្នះ​ក្រុម កម្ពុជា ក្រោម​អាយុ 23 ឆ្នាំ ដោយ​លទ្ធផល 4-0 កាលពី​ថ្ងៃ​អង្គារ ទី 26 ខែតុលា ឆ្នាំ 2021។

នៅក្នុង​វគ្គ​ទីមួយ ក្រុម កម្ពុជា បាន​ចាញ់ ក្រុម​ជប៉ុន ក្នុង​លទ្ធផល 0-2 ខណៈ​វគ្គ​ទី 2 ក្រុម ជប៉ុន ក៏បាន​បន្ត​ឈ្នះ 2 គ្រាប់​ទៀត។ ពេលនេះ ពូ​ល K ក្រុម U23 ជប៉ុន ឈរ​លេខ 1 ដោយ​រកបាន 3 ពិន្ទុ។ ចំណែក​ក្រុម កម្ពុជា រកបាន 3 ពិន្ទុ ឈរ​លេខ 2 បន្ទាប់ពី​បានឈ្នះ​ក្រុម ហុងកុង 4-2 កាលពី​ថ្ងៃទី 23 ខែតុលា។

ស្អែក​នេះ ក្រុម ជប៉ុន នឹងត្រូវ​ប្រកួត​ជាមួយ​ក្រុម ហុងកុង ដើម្បី​អាច​ឡើងទៅ​វគ្គ 16 ក្រុម ដោយ​ស្វ័យប្រវត្តិ សម្រាប់​វគ្គ​ជម្រុះ​នៃ​ជុំ​ផ្តាច់ព្រ័ត្រ។

វគ្គ​ជម្រុះ AFC U23 ASIAN CUP Uzbekistan 2022 មាន​ក្រុម​ចូលរួម​សរុប​ចំនួន 41 ក្រុម មកពី​ទូទាំង​ទ្វីបអាស៊ី ដោយ​បែង​ចែកជា 11 ពូ​ល ហើយ​ក្រុម​ចំណាត់ថ្នាក់​លេខ 1 នៃ​ពូ​ល នីមួយៗ រួម​នឹង​ក្រុម​ចំណាត់ថ្នាក់​លេខ 2 ល្អ​បំផុត​ចំនួន 4 ក្រុម (សរុប 16 ក្រុម) នឹងត្រូវ​ឡើងទៅ​ប្រកួត​វគ្គ​ជម្រុះ​នៃ​ជុំ​ផ្តាច់ព្រ័ត្រ នៅ ប្រទេស​អ៊ូ​ស​បេ​គី​ស្ថាន ឆ្នាំ 2022៕

Advertisement