លោក Pochettino ផ្តោតលើការដាក់សម្ពាធលើ Chelsea ពេល Spurs ទៅជួប West Ham រាត្រីនេះ

Britain Football Soccer - Tottenham Hotspur v Arsenal - Premier League - White Hart Lane - 30/4/17 Tottenham manager Mauricio Pochettino Action Images via Reuters / Paul Childs Livepic EDITORIAL USE ONLY. No use with unauthorized audio, video, data, fixture lists, club/league logos or "live" services. Online in-match use limited to 45 images, no video emulation. No use in betting, games or single club/league/player publications. Please contact your account representative for further details.

លោក Mauricio Pochettino ជឿ​ជាក់​ថា ក្រុម Tottenham Hotspur កំពុង​តែ​ត្រៀម​លក្ខណៈ​រួច​រាល់​ក្នុង​ការ​​ស្ថិត​​ក្រោម​ពាក្យ​ចរ​ចាម​អា​រ៉ាម​នៃ​ការ​លក់​ចេញ​​​​កីឡាករ​ឆ្នើម​ៗ ប៉ុន្តែ គ្រូ​បង្វឹក​សញ្ជាតិ​រូប​នេះ​បាន​បញ្ជាក់​ថា គ្មាន​អ្វី​​រា​រាំងក្រុម​របស់​លោក​ក្នុង​​ការ​រក្សា​ការ​ប្រជែង​ដណ្តើម​​ពាន Premier League ឡើយ​។

Advertisement

ខ្សែ​ការ​ពារ​ស្លាប​ស្តាំ Kyle Walker គឺ​ជា​សមា​ជិក​ចុង​ក្រោយ​គេ​នៃក្រុម​ប្រជុំ​ដោយ​កីឡាករ​ឆ្នើម​របស់ Spurs ដែល​ត្រូវ​បាន​គេ​ទាក់​ទង​ឲ្យ​​ផ្ទេរ​ចេញ​​កីឡ​ដ្ឋាន White Hart Lane ក្រោយ​ពី​មាន​​​​ការ​លេច​ឮ​ថា ​មាន​​ជម្លោះ​ជា​មួយ​នឹង​អ្នក​ការ​ចាត់​ការ​ទូទៅ​លោក Pochettino​​។ ក្រុម​មាន់​ខ្នាយ​​មាស Spurs អាច​នឹង​កាត់​បន្ថយ​ពិន្ទុ​នាំមុខ​របស់​ក្រុម Chelsea មក​​នៅ​ត្រឹម​១​ពិន្ទុ ប្រសិន​​​​បើ​​​ពួក​គេ​ដណ្តើម​បាន​ជ័យ​ជម្នះ​នៅ​លើ​​ទឹក​ដីក្រុម West Ham United នៅ​រាត្រី​នេះ ហើយ​លោក Pochettino បានប​ញ្ជាក់​ថា ទាំង Walker និង​មិត្ត​រួម​របស់​គេ នឹង​មិន​ខ្វះ​​នូវ​ការ​​ផ្តោត​អារម្មណ៍​ដោយ​សារ​តែ​​ពាក្យ​ចរ​ចាម​អារ៉ាម​​ទៅលើ​ការ​ចាក​ចេញ​ពី​ក្លិប​នេះ​ឡើយ​។

ក្នុង​សន្និ​សីទ​សារ​ព័ត៌​មាន​កាល​ពី​ថ្ងៃ​ម្សិលមិញ​នៅ​ឯ​ទីលាន​ហ្វឹកហាត់ Enfield របស់ Spurs នៅ​ភាគ​ខាង​ជើង​ទីក្រុង​ឡុងដ៍ លោក Pochettino បាន​ប្រាប់​អ្នក​យក​ព័ត៌​មាន​ថា៖ «រាល់​កីឡាករ​ទាំង​២១​នាក់​កំពុង​តែ​​​ផ្តោត​អារម្មណ៍​ទៅ​លើ​ការ​ជួយ​ឲ្យ​ស​ម្រេច​បាន​នូវ​​សមិទ្ធ​ផល​ដែល​យើង​​ចង់​ធ្វើ​ឲ្យ​សម្រេច​។​ ខ្ញុំ​ពិត​ជា​ស្ថិតក្នុង​អារម្មណ៍​ស្ងប់​។ កីឡាករ​ក៏​មាន​អារម្មណ៍​ស្ងប់​ផង​ដែរ​​។​ ពួក​គេ​ដឹង​ពី​អ្វី​ដែល​កើត​ឡើង​​​នៅ​ក្នុង​ខ្លួន​របស់​ពួក​គេ​»​។  លោក Pochettino បាន​បន្ថែម​ទៀត​៖​ «វា​ពិត​ជា​សំខាន់​ណាស់​ដែល​អ្នក​គាំ​ទ្រ​​ដឹដង​ថា កីឡាករ​មាន​អារម្មណ៍​ស្ងប់ ហើយ​យើង​នឹង​​រង់​ចាំ​មើល​នៅ​ចុង​រដូវ​កាល​នេះ​ថា ពាក្យ​ចរ​ចាម​​អារ៉ាម​នេះ ពិត​ ឬ​ក៏​​អត់​»​។ Spurs នឹង​​សម្លឹង​រក​ការ​ដណ្តើម​បាន​ជ័យ​ជម្នះ​ជា​លើក​ទី​១០​ជាប់​ៗ​ក្នា នៅពេល​ដែល​​​ពួក​គេ​ធ្វើ​ដំណើរ​ទៅ​កាន់​​ទឹក​ដីក្រុម West Ham ដើម្បី​ដាក់​សម្ពាធ​លើ​ក្រុម Chelsea នៅ​មុន​ពេល​ការ​ប្រកួត​ក្នុង​ផ្ទះ​​របស់​​ក្រុម​តោ​ខៀវ​ជា​មួយ​នឹង​ក្រុម Middlesbrough នៅ​ថ្ងៃ​ចន្ទ​។ ការ​ប្រកួត​នេះ​នឹង​ចាប់​ផ្តើម​នៅម៉ោង​២​ទៀប​ភ្លឺ​៕

ប្រភព​ពី​៖ The Sun

Advertisement