បឹងកេត ប្រកាសពីការចែកផ្លូវជាមួយនឹងលោក John

ក្រុម​ម្ចាស់​ជើង​ឯក​ក្រប​ខ័ណ្ឌ​មិត្ត​ហ្វូន​ខេម​បូ​ឌា​ន​លីក បឹង​កេត កាល​ពី​ថ្ងៃ​​ម្សិល​មិញ​ បាន​ប្រកា​សពី​ការ​ចែក​ផ្លូវ​របស់​ពួក​គេ​​ជា​មួយ​នឹង​​លោក​គ្រូ​បង្វឹក John McGlynn ដោយ​​មាន​ព្រៀម​ព្រៀង​ទាំង​សង​ខាង ពោល​គឺ​ត្រឹម​តែ​រយៈ​​​ពេល​​៤​ខែ ក្រោយ​ពី​ការ​​​តែង​គ្រូ​បង្វឹក​សញ្ជាតិ​​អូ​​ស្ត្រាលី​រូប​នេះ ជំនួស​លោក​ប្រាក់​ សុវណ្ណា​រ៉ា​។

បឹង​កេត​ឲ្យ​បាន​នៅ​លើ​បណ្តាញ​សង្គម Facebook ផ្លូវ​ការ​​របស់​​ពួក​គេ​ថា៖ «គ្រប់​ៗ​គ្នា​នៅ​ក្លិប​បឹង​កេត សូម​អរគុណ​ដល់​លោក John ក្នុង​ការ​រួម​ចំណែក​​បំពេញ​កិច្ច​ការ​​ងារ​ជា​មួយ​នឹង​ក្លិប​រយៈ​ពេល​កន្លង​​មក និង​ជូន​ពរ​ឲ្យ​លោក John ទទួល​ជោគ​ជ័យ​នា​ពេល​​ខាង​មុខ​នេះ​»​។ ក្លិប​នេះ​បាន​បន្ថែម​ទៀត​ថា៖ «ក្លិប​សូប​ប្រកាស​ថា លោក​គ្រូ​ជំនួយ ហៅ សុជាតិ នឹង​ឡើង​មក​ដឹក​នាំ​ក្រុម​បណ្តោះ​​អាសន្ន ហើយ​ក្លិបុំ​មិន​​ធ្វើ​ការ​អធិប្បាយ​ណា​មួយ​បន្ថែម​​ពី​​នេះ​ឡើយ​ រហូត​ដល់​ការ​តែង​តាំង​គ្រូ​បង្គោល​​ថ្មី​ត្រូវ​បាន​ ធ្វើ​ឡើង​»​៕

Advertisement