U-15 កម្ពុជា អស់សិទ្ធិ ទៅដល់វគ្គផ្ដាច់ព័្រត្រ ក្រោយចាញ់ ថៃ ០-៦ ម្សិលមិញនេះ

ទីបំផុត ក្រុមបាល់ទាត់នារីជម្រើសជាតិក្រោមអាយុ១៥ឆ្នាំកម្ពុជា(U-15)អស់ឱកាសទៅប្រកួតដណ្ដើមពានរង្វាន់ជើងឯកអាស៊ីអាគ្នេយ៍ AFF U-15 Girls’ Championship 2017 នៅវគ្គផ្ដាច់ព្រ័ត្រហើយ ក្រោយពីចាញ់ ក្រុមខ្លាំងថៃ ក្នុងលទ្ធផល ០-៦ ក្នុងការប្រកួតវគ្គពាក់កណ្ដាលផ្ដាច់ព្រ័ត្រលើទឹកដីប្រទេសឡាវ។

ចំណែកក្រុមU-15នារីថៃវិញ កំពុងអង្គុយចាំនៅវគ្គផ្ដាច់ព្រ័ត្រដោយរង់ចាំក្រុមឈ្នះរវាងក្រុមU-15នារីហ្វីលីពីន និងមីយ៉ាន់ម៉ា ។ យើងនៅចាំមើលថា តើក្រុម U-15នារីហ្វីលីពីន ឬមីយ៉ាន់ម៉ា ដែលត្រូវជួបក្រុមខ្លាំងថៃ? ។

ប៉ុន្ដែយ៉ាងណា ក្រុមU-15នារីកម្ពុជានៅសល់មួយប្រកួតទៀតដែលជាជំនួបដណ្ដើមចំណាត់ថ្នាក់លេខ៣ ប្រចាំព្រឹត្តិការណ៍កម្រិតតំបន់អាស៊ាននេះដោយរង់ចាំក្រុមចាញ់ពីជំនួបរវាងក្រុមU-15នារីហ្វីលីពីន និងមីយ៉ាន់ម៉ា ដែលនឹងធ្វើការប្រកួតនាវេលាម៉ោង ៦៖៣០នាទីល្ងាចថ្ងៃនេះ ៕