គ្រូបង្គោលក្រុមយុវជនអាយុក្រោម 22ឆ្នាំ កម្ពុជា Félix Dalmas បាននិយាយថា ទោះជាក្រុមរបស់លោកទទួលរងនូវភាពរអាក់រអួលខ្លាំងក្នុងដំណើរមកដល់ប្រទេសហ្វីលីពីននេះក៏ដោយ តែលោកបានផ្ស៊ាំកូនក្រុមរបស់លោកបានយ៉ាងល្អ ក្នុងស្ថានភាពទាំងអស់នោះបានរួចរាល់ហើយ ហើយលោកបានត្រៀមខ្លួនរួចជាស្រេចសម្រាប់ការប្រកួតប្រជែងក្នុងពូល A នេះ។
ការប្រកួតកីឡាស៊ីហ្គេមលើកទី30 នៅប្រទេសហ្វីលីពីន ក្នុងវិញ្ញាសាបាល់ទាត់បុរស ក្រុមបាល់ទាត់អាយុក្រោម 22ឆ្នាំរបស់ហ្វីលីពីន នឹងត្រូវប៉ះជាមួយនឹងក្រុមបាល់ទាត់ជម្រើសជាតិកម្ពុជាអាយុក្រោម 22ឆ្នាំដូចគ្នា នៅឯកីឡដ្ឋាន Rizal Memorial នាល្ងាចថ្ងៃទី25 វិច្ឆិកា(ថ្ងៃនេះ) វេលាម៉ោង 7:០០ យប់ ខណៈដែលក្រុមរួមពូល មីយ៉ាន់ម៉ា និងម៉ាឡេស៊ី នឹងត្រូវប្រកួតគ្នានៅម៉ោង៣រសៀល(មុនកម្ពុជា)។
ក្នុងពូល B ឯណោះវិញក៏មាន 1ប្រកួតផងដែរ ក្នុងថ្ងៃបើកឆាកនេះ ដោយវៀតណាម ត្រូវជួបប្រ៊ុយណេ នៅវេលាម៉ោង3រសៀលនៅឯកីឡដ្ឋានផ្សេងមួយទៀត៕
