វីរុស Corona ធ្វើឱ្យចិនបាត់បង់សិទ្ធិធ្វើជាម្ចាស់ផ្ទះកាប្រកួតបាល់ទាត់វគ្គជម្រុះអូឡាំពិក

January 28, 2020​ ម៉ោង 3:33 pm

ការប្រកួតបាល់ទាត់នារី វគ្គជម្រុះជុំចុងក្រោយ ដើម្បីដណ្តើមកៅអីទៅលេងនៅកីឡាអូឡាំពិកចុងឆ្នាំ2020 ត្រូវបានផ្ទេរពីទីក្រុងវូហាន ប្រទេសចិន ទៅកាន់ទីក្រុងស៊ីដនី ប្រទេសអូស្ត្រាលីវិញ និងមិនទាន់បានកំណត់កាលបរិច្ឆេទឡើងវិញនៅឡើយទេ។

ចំពោះមូលហេតុនៃការលើកពេលវេលា និងទីកន្លែងនេះ គឺដោយសារតែការឆ្លងរាតត្បាតយ៉ាងសាហាវអំពីវីរុសប្រភេទថ្មី Corona ដែលជាការព្រួយបារម្ភថ្មីមួយទៀតរបស់ពិភពលោកនាពេលបច្ចុប្បន្ននេះ។

គួរបញ្ជាក់ដែរថា ក្រុមដែលត្រូវប្រកួតវគ្គជម្រុះជុំចុងក្រោយនៅប្រទេសចិននេះ មាន 4ប្រទេសគឺ ម្ចាស់ផ្ទះចិន អូស្ត្រាលី ថៃ និងតៃវ៉ាន់ ដែលសុទ្ធសឹងតែជាប្រទេសដែលមានភាគរយនៃការឆ្លងវីរុសនេះខ្លាំងជាងគេទាំង10៕