ធារី ត្រឡប់ទៅលីកកំពូលម៉ាឡេស៊ីវិញ ជាមួយនឹងក្លិប Perak FA

កាលពីថ្ងៃម្សិលមិញនេះ កីឡាករកូនកាត់ខ្មែរ-បារាំង ធារី ចន្ថាប៊ីន បានបង្កឱ្យមានការភ្ញាក់ផ្អើលយ៉ាងខ្លាំងមួយ ក្រោយពីក្លិប Perak FA របស់ម៉ាឡេស៊ី បានប្រកាសកុងត្រាជាមួយនឹងកីឡាកររូបនេះសម្រាប់រដូវកាល2020 នេះ។

ការចុះកុងត្រានេះ បានបញ្ជាក់ថា កីឡាកររូបនេះ បានចប់សព្វគ្រប់ជាមួយនឹងក្លិប Sokhothai FC នៃលីកកំពូលរបស់ថៃហើយ ក្រោយពីផ្លាស់ទៅថៃ មិនទាន់បានស្រួលបួលផង។

ទោះជាបែបនេះក្តី ធារី ចន្ថាប៊ីន បានបង្ហាញអារម្មណ៍ពេញចិត្តនឹងក្លិបថ្មីរបស់ខ្លូន និងបាននិយាយថា ការបញ្ចប់កុងត្រាជាមួយនឹងក្លិបចាស់ គឺជាការព្រមព្រៀងគ្នាពីភាគីទាំងសងខាងរវាងក្លិប និងរូបគេ៕