អ្នកចាត់ការក្រុមជម្រើសជាតិកម្ពុជា ទទួលបានការសាទរយ៉ាងកក់ក្តៅពីសំណាក់អ្នកគាំទ្រប្រេស៊ីល

អតីតកីឡាករខ្សែប្រយុទ្ធជម្រើសជាតិជប៉ុន Keisuke Honda បានបង្ហាញខ្លួនក្នុងពិធីប្រកាសបង្ហាញមុខជាផ្លូវការចំពោះអ្នកគាំទ្ររបស់ក្លិប Botafogo F.R នៅកីឡដ្ឋាន Estadio Olimpico Nilton Santos ដោយទទួលបានការស្វាគមន៍យ៉ាងកក់ក្ដៅបំផុតពីសំណាក់អ្នកចូលរួមច្រើនដល់ទៅ 13,000នាក់។

កីឡាករ​វ័យ​ 33​ឆ្នាំ​​ បាន​និយាយ​ក្នុង​សន្និសីទកាសែត​​ក្នុង​ការ​បង្ហាញ​ខ្លួន​ដំបូង​នៅ​កីឡដ្ឋាន Nilton Santos Stadium របស់​ក្លិប Botafogo ថា លោក​បាន​បដិសេធ​ក្លិប​នៅ​អឺរ៉ុប ​និង​អាស៊ី​ជា​ច្រើន បន្ទាប់មកបាន​​សម្រេច​ចិត្ត​មកនៅជាមួយ​ក្រុម​ដែល​ស្ថិត​ក្នុង​ទីក្រុង Rio de Janeiro នេះ គឺដោយ​សារ​អ្នក​គាំទ្រ។

1. គួរបញ្ជាក់ដែរថា ការដែលទទួលបានការស្វាគមន៍យ៉ាងកក់ក្ដៅជាទីបំផុតបែបនេះ លោកបានសង្កត់ធ្ងន់ថា មិនដែលជួបរឿងបែបនេះឡើយ សូម្បីតែពេលនៅជាមួយ AC Milan ជាទីដែលរូបលោកបានចំណាយពេលលេងពីឆ្នាំ2014-2017 ដែលមានអ្នកគាំទ្រច្រើនដូចគ្នា តែក៏មិនដល់ថ្នាក់នេះដែរ៕