តោះមកដឹងលម្អិត អំពីរូបមន្តប្រកួត JENESYS 2019 ដែលកម្ពុជា កំពុងចូលរួមនៅជប៉ុន

ការប្រកួតពានរង្វាន់មិត្តភាព JENESYS 2019 Japan-ASEAN U19 Men’s Football Tournament នៅប្រទេសជប៉ុន ដែលក្រុមយុវជនអាយុក្រោម 19ឆ្នាំកម្ពុជា បានចាញ់ក្រុមបាល់ទាត់យុវជនអាយុក្រោម 19ឆ្នាំ Kagoshima Uinted FC ក្នុងលទ្ធផល 0ទល់នឹង1។

ក្នុងពានរង្វាន់ JENESYS 2019 Japan-ASEAN U19 Men’s Football Tournament នេះ ក្រុមដែលឈ្នះនឹងទទួលបាន 3ពិន្ទុ ខណៈដែលស្មើគ្នាតម្រូវឱ្យទាត់ប៉េណាល់ទីកាត់សេចក្តី ដោយក្រុមឈ្នះនឹងបាន 2ពិន្ទុ និងក្រុមដែលចាញ់ប៉េណាល់ទីបាន 1ពិន្ទុ។ បន្ទាប់ពីបញ្ចប់វគ្គចែកពូល ក្រុមដែលមានចំណាត់ដូចគ្នាក្នុងពូលទាំង2 ត្រូវប្រកួតគ្នាដើម្បីដណ្តើមចំណាត់ថ្នាក់បន្តទៀត។

គួរបញ្ជាក់ផងដែរថា កាលពីការប្រកួតទី1 កម្ពុជា​ បានចាញ់ទីម័រក្នុងលទ្ធផលដុនដាបដល់ទៅ​ 7ទល់នឹង3។ ឯការប្រកួតក្រោយនេះ(លើកទី3) កម្ពុជានឹងត្រូវជួបជាមួយនឹងក្រុមយុវជនអាយុក្រោម 19ឆ្នាំមីយ៉ាន់ម៉ា នៅថ្ងៃស្អែក៕