Chanathip ជាកីឡាករថ្លៃជាងគេក្នុងក្លិប នៅលីកកំពូលជប៉ុន

កាលពីពេលថ្មីៗនេះ លីកកំពូលជប៉ុន J-League បានបង្ហាញសមាសភាព និងបញ្ជីឈ្មោះកីឡាករ អមជាមួយនឹងតម្លៃខ្លួនកីឡាករនីមួយៗ ដែលលេងនៅក្នុងលីកមួយនេះ ក្នុងនោះគេឃើញមានកីឡាករមកពីតំបន់អាស៊ានម្នាក់បានជាប់ក្នុងបញ្ជីឈ្មោះកីឡាករដែលមានតម្លៃខ្លួនខ្ពស់ជាងគេបង្អស់ទាំង 10ប្រចាំលីកកំពូលជប៉ុននេះ។

Chanathip Songkrasin (ឆាណាធីប ស៊ង់ក្រៈស៊ីន) កីឡាករខ្សែបម្រើ-ប្រយុទ្ធវ័យ 26ឆ្នាំរូបនេះ មានតម្លៃខ្លួន 2.6លានដុល្លារ ដែលធ្វើឱ្យគេបានក្លាយទៅជាកីឡាករមានតម្លៃខ្លួនខ្ពស់បំផុតលេខរៀងទី9 នៅក្នុងលីកកំពូលជប៉ុនរដូវកាល2020 នេះ។ ហើយរូបគេក៏បានក្លាយខ្លួនជាកីឡាករដែលមានតម្លៃខ្លួនថ្លៃជាងគេប្រចាំក្លិប Hokkaido Consadole Sapporo ផងដែរ។

គួរបញ្ជាក់ដែរថា កីឡាកររូបនេះបានផ្ទេរទៅកាន់ក្របខ័ណ្ឌលីកកំពូលជប៉ុនដំបូង មានតម្លៃខ្លួនតែ 70ម៉ឺនដុល្លារប៉ុណ្ណោះ៕