វៀតណាម អាយុក្រោម 19ឆ្នាំ ដាក់គោលដៅឱ្យដល់់វគ្គពាក់កណ្តាលផ្តាច់ព្រ័ត្រ AFC U19 Championship

សហព័ន្ធកីឡាបាល់ទាត់វៀតណាម បានគូសបង្ហាញអំពីគោលដៅរបស់ខ្លួនថា ត្រូវឡើងឱ្យដល់វគ្គពាក់កណ្តាលផ្តាច់ព្រ័ត្រ ក្នុងពានរង្វាន់ AFC U19 Championship ឆ្នាំ2020 ឱ្យបាន ដើម្បីដណ្តើមកៅអីទៅលេង FIFA World Cup U-20 នាឆ្នាំក្រោយ។

ក្រុមវៀតណាម ទទួលបានសិទ្ធិចូលរួមវគ្គចែកពូល AFC U19 Championship ក្នុងនាមជាក្រុមលេខ2 ល្អបំផុត ដូចកម្ពុជាដែរ ដូច្នេះក្រុមមួយនេះត្រូវធ្វើយ៉ាងណាលេងឱ្យដល់វគ្គពាក់កណ្តាលផ្តាច់ព្រ័ត្រទើបមានសិទ្ធិចូលលេង FIFA World Cup U-20 បានដូចបំណង។

គួរបញ្ជាក់ដែរថា ពានរង្វាន់ FIFA World Cup U-20 ឆ្នាំ2021 ដែលគ្រោងធ្វើឡើងនៅប្រទេសឥណ្ឌូនេស៊ី នឹងចាប់ផ្តើមពីខែឧសភា ឆ្នាំ2021 រហូតដល់ខែកក្កដា ឆ្នាំ2021៕