បន្ទាប់ពីចែកអង្ករហើយ ម្ចាស់ក្លិបអង្គរថាយហ្គើរ នឹងជូនភ្ញៀវទេសចរ ដែលមកលេងសៀមរាប ម្នាក់ 200ដុល្លារទៀត

លោក Akihiro Kato ម្ចាស់ក្លិបបាល់ទាត់អង្គរថាយហ្គើរ បានធ្វើការចែកអង្ករជូនប្រជាជនក្នុងស្រុកចំនួន 400គ្រួសារ ដោយក្នុង 1គ្រួសារ ទទួលបាន 20គីឡូ ក្នុងខែឧសភា មិថុនា និងកក្កដា ពោលគឺ ចំនួន 3ខែ។ ហើយលោកបានបន្តថា អាចនឹងធ្វើការចែកជូនបន្តទៅមុខទៀត ប្រសិនបើស្ថានភាពកូវីដ-19 នេះ មិនទាន់បានធូរស្បើយ។

បន្ទាប់ពីគម្រោងនេះទទួលបានជោគជ័យ លោកបានបង្ហើបឱ្យដឹងអំពីគម្រោងថ្មីរបស់លោកទៀតថា គឺលោកនឹងជួយឧបត្ថម្ភជនជាតិជប៉ុនចំនួន 50នាក់ ដោយម្នាក់ៗនឹងទទួលបានទឹកប្រាក់ចំនួន 200ដុល្លារ នៅពេលដែលពួកគេមកលេងខេត្តសៀមរាបដោយផ្ទាល់៕