កូនស្រីរបស់លោក អេ ភូថង គឺកីឡាការិនីក្បាច់គុនខ្មែរ អេ យ៉ានុត បានរៀបចំពិធីភ្ជាប់ពាក្យ ជាមួយគូអនាគត ហើយ នៅគេហដ្ឋានខាងស្រី ក្រោយពីបានស្វែងយល់ចិត្តគ្នា អស់រយៈពេលយ៉ាងយូរ ហើយឪពុកម្តាយទាំងសងខាងក៏បានឯកភាពគ្នា ដើម្បីរៀបចំពិធីភ្ជាប់ពាក្យតាមប្រពៃណីខ្មែរ មុនពេលរៀបចំពិធីមង្គលការ។
ជាមួយនឹងការរៀបចំពិធីនេះ លោក អេ ភូថង បានរៀបចំជាលក្ខណៈសាច់ញាតិ ដោយមិនសូវមានអ្នកនៅក្នុងវិស័យកីឡាបានដឹងប៉ុន្មានឡើយ តែទោះបីជាបែបនេះក្តី នៅមិនទាន់មានព័ត៌មានជាក់លាក់នៅឡើយទេថា តើពួកគេនឹងក្រាបផ្ទឹមរៀបការនៅថ្ងៃណាឱ្យប្រាកដនៅឡើយ។
ជាមួយគ្នានេះដែរ អេ យ៉ានុត ដែលជាកូនស្រីរបស់អតីតកំពូលអ្នកប្រដាល់គុនខ្មែរ អេ ភូថង បានឱ្យដឹងថា នាងបានស្គាល់គ្នា និងស្វែងយល់ចិត្តគ្នាជាមួយនឹងខាងប្រុស អស់រយៈពេលជាច្រើនឆ្នាំមកហើយ ហើយគាត់មានមុខងារជាមន្ត្រីនគរបាល៕
