Leicester City សម្ពោធរដូវកាលក្រោយ ដោយមានពាក្យស្លោកថា Smile With Thailand

Leicester City ក្លិប​បាល់ទាត់​ក្នុង​ក្របខ័ណ្ឌ​លី​ក​កំពូល​អង់គ្លេស English Premier League បានប្រកាស​ចេញ​នូវ​ឯកសណ្ឋាន​ថ្មី​របស់ខ្លួន​ហើយ កាលពី​ចុង​សប្តាហ៍​កន្លងទៅ ដោយមាន​ការចូលរួម​សម្ពោធ​ពី​សំណាក់​នាយក​ក្រុមហ៊ុន King Power របស់​ថៃ ដែលជា​ម្ចាស់​ក្លិប​នេះ​ផ្ទាល់​តែម្តង ថែមទាំង​មានការ​ចូលរួម​ពី​សំណាក់​នាយករដ្ឋមន្ត្រី​ថៃ លោក ប្រា​យុ​ធ ចាន់​អូ​ឆា ទៀតផង។

ក្រៅពីនេះ ឯកសណ្ឋាន Leicester ចំនួន 1ម៉ឺន​ឈុត នឹងត្រូវ​ដាក់លក់​នៅក្នុង​ប្រទេស​ថៃ ក្នុងតម្លៃ 2,500បាត ហើយ​ទឹកប្រាក់​ទាំងនោះ នឹងត្រូវ​យកទៅ​ទ្រទ្រង់​ដល់​ការស្រាវជ្រាវ​រក​វ៉ាក់សាំង​ប្រឆាំងនឹង​កូ​វីដ-19 នៅក្នុង​ប្រទេស​ថៃ។ គួរ​បញ្ជាក់ដែរថា គម្រោង​នេះ​ត្រូវបាន​ក្រសួងសុខាភិបាល​ថៃ សហការ​ជាមួយនឹង​ម្ចាស់​ក្លិប​នេះ​ដែលជា​ជនជាតិ​ថៃ ដោយបាន​យល់ព្រម​ដាក់​នូវ​ពាក្យស្លោក Smile With Thailand ជំនួស​ឱ្យ​ការដាក់​និមិត្តសញ្ញា​របស់​ក្រុមហ៊ុន​ថៃ​មួយ​នេះ​នៅលើ​ឯកសណ្ឋាន​របស់ខ្លួន៕

Advertisement