កាន់តែកៀកថ្ងៃប្រកួត Real Madrid រកឃើញខ្សែប្រយុទ្ធម្នាក់ផ្ទុកកូវីដ-19

Real Madrid ត្រូវ​ប្រកួត​តទល់​នឹង​ក្លិប Manchester City ក្នុង​ពានរង្វាន់ UEFA Champions League វគ្គ 16ក្រុម​ចុងក្រោយ ជើង​ទី2 ក្នុង​ថ្ងៃទី7 ខែសីហា ឆ្នាំ2020 សប្តាហ៍​ក្រោយ​ខាងមុខ​នេះហើយ។

តែ​អ្វីដែល​គួរឱ្យ​ព្រួយបារម្ភ​នោះ​គឺ កីឡាករ Mariano Diaz ខ្សែប្រយុទ្ធ​វ័យក្មេង​នៅក្នុង​ក្លិប​នេះ ត្រូវបាន​រកឃើញថា មា​នន​ផ្ទុកមេរោគ​កូ​វីដ-19 ដែល​អាច​នឹង​ធ្វើឱ្យ​អាក់ខាន​មិនបាន​ធ្វើការ​ប្រកួត ព្រោះ​អាច​នឹង​ត្រូវដាក់​កីឡាករ​ដទៃទៀត ឱ្យនៅ​ដាច់ដោយឡែក​រយៈពេល 14ថ្ងៃ។

ក្រោយពី​តេស្ត ឃើញ​វិជ្ជមាន​វីរុស​កូ​វីដ-19 កីឡាករ​រូបនេះ​ត្រូវបាន​គ្រូបង្វឹក​ដកចេញ​ពី​ក្រុមភ្លាមៗ ហើយ​អនុញ្ញាតឱ្យ​សម្រាក​នៅ​ដាច់ដោយឡែក​នៅក្នុង​ផ្ទះរ​បស់​គេ​តែឯង រយៈពេល 14ថ្ងៃ ដោយ​មិនឱ្យ​ប៉ះពាល់​ជាមួយនឹង​នរណាម្នាក់​ជាដាច់ខាត។ នេះ​បញ្ជាក់ថា កីឡាករ​រូបនេះ​នឹង​អវត្តមាន​នៅក្នុង​ការប្រកួត​ដ៏​ធំ នាពេលខាងមុខឆាប់ៗនេះ​យ៉ាងពិត​ប្រាកដ៕

Advertisement