Maurizio Sarri ចង់ប្រើឈុតយុវជនលេងជាមួយ Róma ចុងសប្តាហ៍នេះ

អ្នកចាត់ការ​ក្រុមបាល់ទាត់ Juventus លោក Maurizio Sarri បាន​បង្ហើប​ពី​គម្រោង​ថា​លោក​កំពុងតែ​សិក្សា ហើយ​ត្រៀម​អនុវត្ត​ផែនការ ដាក់​ឈុត​យុវជន​ឱ្យ​លេង នៅក្នុង​ការប្រកួត​ចុងក្រោយ​ដែល​នៅ​សេសសល់។

ឈុត​យុវជន​ដែល​លោក​និយាយ​នេះ គឺ​សំដៅ​ទៅលើ​ឈុត U23 របស់​ក្លិប Juventus ជា​ឈុត​ដែល​លោក​បាន​ត្រៀម និង​សម្រាំង​មើល​កីឡាករឆ្នើមៗ ដើម្បី​ដំឡើង​ទៅលេង​នៅក្នុង​ឈុត​ធំ នា​រដូវ​កាល​ក្រោយនេះ។ សម្រាប់​ប្រកួត​ដែល​នៅ​សេសសល់​ចុងក្រោយ​នេះ Juventus នឹងត្រូវ​ប៉ះ​ជាមួយ​ក្លិប​ខ្លាំង AS Roma នៅ​យប់​ថ្ងៃ​សៅរ៍ ចុង​សប្តាហ៍​នេះ។

គួរ​បញ្ជាក់ដែរថា នៅ​ដើមខែ​ក្រោយនេះ Juventus ត្រូវ​ប្រកួត​ជាមួយ​ក្រុម Lyon វគ្គ 16ក្រុម​ចុងក្រោយ UCL ជើង​ទី2។ ដោយ​កាលពី​ជើង​ទី1 កន្លងទៅ Juventus ចាញ់ Lyon ក្នុង​លទ្ធផល 1-0៕

Advertisement

Advertisement