Atalanta ក្អួតឈាម ពេល PSG ដាក់ 2គ្រាប់ចុងម៉ោង បានឡើងវគ្គ 4ក្រុមចុងក្រោយ ក្នុង Champions League

កាលពី​យប់​រំលងអធ្រាត្រ​ថ្ងៃទី13 ខែសីហា ឆ្នាំ2020 នេះ ក្លិប​បាល់ទាត់ Paris Saint Germaint (PSG) បាន​ឡើងទៅ​វគ្គ​ពាក់កណ្តាល​ផ្តាច់ព្រ័ត្រ នៃ​ពានរង្វាន់ UEFA Champions League ហើយ ក្រោយពី​បាន​វាយបក​យកឈ្នះ​ក្រុម Atalanta របស់​អ៊ីតាលី ដោយ​លទ្ធផល 2ទល់នឹង1។

តាមរយៈ​ជ័យជម្នះ​នេះ PSG នឹង​ឡើងទៅ​ជួប RB Leipzig ឬ Atletico Madrid ក្នុង​វគ្គ 4ក្រុម​ចុងក្រោយ ដែល​ត្រូវ​លេង​នៅ​ថ្ងៃ​អង្គារ សប្ដាហ៍​ក្រោយ ដើម្បី​ដណ្តើម​កៅអី​វគ្គ​ផ្តាច់ព្រ័ត្រ និង​ឈាន​ទៅលើ​កពាន​នេះ ក្រោយ​ខកខាន​អស់​ជិត 3ទសវត្សរ៍៕