ManCity ចរចាកុងត្រា 5ឆ្នាំ ជាមួយ Messi ក្នុងតម្លៃ 750ដុល្លារ

កាលពី​ព្រឹក​ថ្ងៃទី31 ខែសីហា ឆ្នាំ2020កន្លងទៅ ក្លិប​បាល់ទាត់ FC Barcelona បានប្រកាស​នូវ​តម្លៃ​ថ្មី នៃ​ការទិញ​ផ្តាច់​កុងត្រា Messi  ដោយបាន​ដំឡើង​ពី 200លាន​ដុល្លារ ដល់​ទៅ 700លាន​ដុល្លារ ដែល​ត្រូវបាន​គេ​ដឹងថា ជា​តម្លៃ​ពេញ​នៃ​កុងត្រា​របស់​កីឡាករ​វ័យ 33ឆ្នាំ​រូបនេះ ក្រោយ​ពេលដែល​កីឡាករ​រូបនេះ​បង្ហាញ​អាកប្បកិរិយា​ថា មិន​ចង់​ចរចា​ពីអ្វី​ជាមួយនឹង​ក្លិប​ចាស់​របស់គេ។

ទោះជា​បែបនេះ​ក្តី Manchester City ក្លិប​អ្នកមាន របស់​មហាសេដ្ឋី​អារ៉ាប់​ប្រាក់​វាល់​លាន​ដុល្លារ​មួយ​នេះ បានដាក់​សំណើ​ថ្មី​ទៅ Barcelona ដោយបាន​ឱ្យ​ថ្លៃ​ដល់​ទៅ 750លាន​ដុល្លារ តែមាន​លក្ខខណ្ឌ​មួយ​គឺ Messi ត្រូវមាន​កុងត្រា និង​បញ្ចប់​អាជីព​នៅ ManCity នេះ​តែម្តង។

ក្នុង​កុងត្រា​ថ្មី​នេះ ទោះ​ជាមាន​រយៈពេល 5ឆ្នាំ​ក៏ពិតមែន ក៏ប៉ុន្តែ​កីឡាករ​រូបនេះ នឹងត្រូវ​លេង​នៅ​ក្លិប New York City ជា​ក្លិប​ដែល ManCity វិនិយោគ​នៅ​លី​ក​កំពូល​របស់​អាមេរិក ក្នុង​រយៈពេល 2ឆ្នាំ​ចុងក្រោយ​នៃ​កុងត្រា​មួយ​នេះ៕

Advertisement