ខ្សែការពារជប៉ុន Nagatomo ផ្លាស់ទៅលេងនៅ Marseille

កីឡាករ​ជម្រើសជាតិ​ជប៉ុន វ័យ 33ឆ្នាំ Nagatomo ត្រូវបាន​ក្លិប Marseille ប្រកាស​ជា​ផ្លូវការ​ហើយ​ថា បាន​ក្លាយជា​កីឡាករ​របស់ខ្លួន​ហើយ ក្រោយពី​ចែកផ្លូវ​ជាមួយ​ក្លិប​ចាស់ កាលពី​បញ្ចប់​រដូវ​កាល2020 កន្លងទៅ។

ការប្រកាស​នេះដែរ គឺធ្វើឡើង បន្ទាប់ពី​ការចែក​ផ្លូវ​របស់​កីឡាករ​ជប៉ុន​រូបនេះ ចេញពី​ក្លិប GALATASARAY ក្រោយ​ចំណាយពេល​នៅ​ក្លិប​នេះ អស់​រយៈពេល 2រដូវ​កាល ដោយ​រក​គ្រាប់​បាល់​បាន 2គ្រាប់ ក្នុងការ​បង្ហាញខ្លួន 47ប្រកួត។ កីឡាករ​ជម្រើសជាតិ​ជប៉ុន​រូបនេះ ត្រូវបាន​ក្លិប​ល្បី​បារាំង​ខាងលើ រំពឹងថា​នឹង​ជួយ​ក្រុម​បានល្អ ក្នុងការ​ប្រកួត​លី​ក​កំពូល​បារាំង ក៏ដូចជា​ចូលរួម​ក្នុងការ​ប្រកួត UEFA CHAMPIONS LEAGUE ឆ្នាំ2021។

គួរ​រំឭក​ដែរ​ថា ខ្សែការពារ​រូបនេះ ទោះជា​មាន​វ័យ 33ឆ្នាំ​ក៏ពិតមែន ក៏ប៉ុន្តែ​រូបគេ​នៅតែ​ជា​កម្លាំង​ស្នូល នៅក្នុង​ក្រុម​ជម្រើសជាតិ​ជប៉ុន ដោយ​នៅតែ​ជាប់​ជា​ជម្រើស​ដំបូង​នៃ​ក្រុម​ជម្រើសជាតិ​ជប៉ុន​ជា​ហូរហែ តាំងពី​ឆ្នាំ2008 មកទល់នឹង​ពេលបច្ចុប្បន្ន៕

Advertisement