ត្រៀម…យុវជនគោព្រៃកម្ពុជា នឹងចូលរួម AFC U19 នៅខែកុម្ភៈ ឆ្នាំក្រោយ!

ការប្រកួត​ពានរង្វាន់​យុវជន​អាយុ​ក្រោម 19ឆ្នាំ ប្រចាំ​ទ្វីបអាស៊ី AFC U19 Championship 2020  គ្រោង​ធ្វើឡើង​តាំងពី​ថ្ងៃទី14 ដល់ 31 តុលា ឆ្នាំ2020 កន្លងទៅ តែដោយសារ​តែ​បញ្ហា​កូ​វីដ-19 មិនទាន់បាន​ដោះស្រាយ​រួចរាល់ ទើប​តម្រូវឱ្យ​លើក​ពេល ដោយ​មិន​ច្បាស់​កាលបរិច្ឆេទ រហូតមក​ទល់នឹង​ពេលនេះ។

លោក Mochamad Iriawan តំណាង​ប្រទេស​ឥណ្ឌូនេស៊ី ដែលជា​ម្ចាស់ផ្ទះ FIFA U-19 WORLD CUP បានប្រកាស​កាលបរិច្ឆេទ​ថ្មី របស់​ពានរង្វាន់​ខាង​លើ​នេះហើយ ដោយ​កំណត់​បើក​ការប្រកួត​ចាប់ពី​ថ្ងៃទី22 ខែកុម្ភៈ ឆ្នាំ2020តទៅ ដោយ​ប្រទេស​អ៊ូ​បេ​គី​ស្ថាន នៅ​ធ្វើជា​ម្ចាស់ផ្ទះ​ដដែល។

សូម​បញ្ជាក់ដែរថា  មួយរយៈ​កន្លងមកនេះ ក្រុមយុវជន​ជម្រើសជាតិ​គោព្រៃ​កម្ពុជា នៅតែ​ហ្វឹកហាត់ 1ដង ក្នុង 1សប្តាហ៍​ជាធម្មតា ដើម្បី​ត្រៀមខ្លួន​ប្រកួត​ក្នុង​ពានរង្វាន់​ខាងលើ ទោះបីជា​មិនទាន់​ចេញ​កាលបរិច្ឆេទ​ថ្មី​ក៏ដោយ៕

Advertisement