រកឃើញ 4ក្រុមដំបូង ដែលកក់កៅអី វគ្គ 16ក្រុមចុងក្រោយ ក្នុងChampions League

ក្រុម​អេ​ស្ប៉ា​ញ2 អ៊ីតាលី1 និង​អង់គ្លេស1 បាន​កក់​កៅអី វគ្គ 16ក្រុម​ចុងក្រោយ UEFA Champions League 2020-21 រួចរាល់​ហើយ ក្រោយ​ឈ្នះរៀងៗខ្លួន​ក្នុង​ការប្រកួត​លើក​ទី4 ប្រចាំ​ពូ​ល​របស់​ពួកគេ​កាលពី​យប់​ថ្ងៃ​អង្គារ ទី24 ខែវិច្ឆិកា។

ក្រុម​ដែល​បាន​កក់​កៅអី ឡើងទៅ​វគ្គ​បន្ត ទាំង 4ក្រុម​នោះ គឺ​មកពី​លី​គ​កំពូល​អេស្បា់ញ​ចំនួន 2ក្រុម (Barcelona និង Sevilla), លី​គ​កំពូល​អង់គ្លេស Premier League 1ក្រុម (Chelsea), និង​មកពី​លី​គ​កំពូល​អ៊ីតាលី Seria A 1ក្រុម (Juventus)។

គួរឱ្យ​ដឹង​ដែរ​ថា ក្នុង​ពានរង្វាន់ UEFA Champions League វគ្គ​ចែក​ពូ​ល​នេះ ក្រុម​ទាំងអស់​នៅសល់​ការប្រកួត​តែ 2ប្រកួត​ទៀត​ប៉ុ​ណ្នោះ ខណៈដែល​ការប្រកួត​វគ្គ 16ក្រុម​ចុងក្រោយ នឹង​ចាប់ផ្តើម​នៅ​ថ្ងៃទី14 ខែធ្នូ ឆ្នាំ2020 ខាងមុខនេះ ដោយ​ទាំង 16ក្រុម នឹងត្រូវ​ចាប់​គូ​គ្នា​ប្រកួត 2ជើង ដើម្បី​ចម្រាញ់​យក 8ក្រុម ទៅ​វគ្គ​បន្តទៀត៕

Advertisement
Advertisement