និមិត្តសញ្ញាបាល់ទាត់មួយ នៅខេត្ត Dalian ត្រូវអគ្គិភ័យលេបត្របាក់ស្ទើរគ្មានសល់

រូបសំណាក់​បាល់ទាត់​ដ៏​ធំ ដែល​តំណាងឱ្យ​វិស័យ​បាល់ទាត់​របស់​ខេត្ត Dalian ក្នុងប្រទេស​ចិន បាន​ឆេះ​ខ្ទេច​អស់​ទៅហើយ កាលពី​យប់មិញ​នេះ។

រូបចម្លាក់​បាល់ទាត់​នេះ ស្ថិតក្នុង​ឧទ្យាន​ជាតិ Dalian’s Labour Park ហើយ​វា​ជា​រូប​តំណាងឱ្យ​ទីក្រុង Dalian ដែលមាន​ឈ្មោះ​ក្រៅ​ថា ‘Football City’ ឬ​ទីក្រុង​បាល់ទាត់​ហ្នឹងឯង។

មូលហេតុ​នៃ​ការឆេះ​នេះ ត្រូវបាន​គេ​រាយការណ៍​ថា បណ្ដាលមកពី​ទុស្សេ​ខ្សែភ្លើង។ រូប​បាល់ទាត់​ដ៏​ធំ​នេះ ត្រូវបាន​សាងសង់ឡើង​កាលពី​ឆ្នាំ1995 ខណៈ​ទសវត្សរ៍​ឆ្នាំ1990 ក្លិប​Dalian Wanda ជា​ក្រុម​តែ ១គត់​ដែល​គ្រប់គ្រង​ពាន​លី​គ​កំពូល​ចិន៕